მცირეწლოვან ბავშვს დედა თვალწინ მოუკლეს

ბავშვი, რომელსაც დედა თვალწინ მოუკლა, მკვლელმა მაღაზიაში დატოვა, თვითონ კი მიიმალა. შემზარავი დანაშაულის მიზეზად ეჭვიანობა სახელდება.

20 წლის ნინო ბალახაძე მამამთილის სახლში ბავშვის მისაყვანად მივიდა, მას სახლში მაზლი დახვდა. ასე სასტიკად გიორგი კუსრაძე რძალს საკუთარ სახლში გაუსწორდა. ნინო ბალახაძის მეუღლე პატიმრობაშია. ახლახანს დატოვა სასჯელაღსრულების დაწესებულება მისმა მაზლმა - გიორგი კუსრაძემ, რომელმაც რძალზე იეჭვიანა და დანით რამდენიმე სასიკვდილო ჭრილობა მიაყენა. დედის მკვლელობას მცირეწლოვანი ბავშვი ესწრებოდა, რაც კუსრაძის დანაშაულს კიდევ უფრო ამძიმებს.

ქ. თბილისის პოლიციის მთავარი სამმართველოსა და ისანი-სამგორის პოლიციის თანამშრომლებმა, ერთობლივად გატარებული ღონისძიების შედეგად, 1983 წელს დაბადებული გიორგი კუსრაძე უკვე დააკავეს.

შს სამინისტროს ინფორმაციით, კუსაძემ, მიმდინარე წლის 10 მარტს, ურთიერთშელაპარაკების ნიადაგზე, ცივი იარაღით მრავლობითი ჭრილობები მიაყენა საკუთარი ძმისცოლს, 1992 წ.დ. ნინო ბალახაძეს და შემთხვევის ადგილიდან მიიმალა, ხოლო ნინო ბალახაძე მიღებული ჭრილობების შედეგად ადგილზე გარდაიცვალა.  

გატარებული ოპერატიულ-სამძებრო ღონისძიების შედეგად ბრალდებული დაკავებულ იქნა დანაშაულის ჩადენიდან რამდენიმე საათში. პოლიციის მიერ ამოღებული მკვლელობის იარაღი. დაკავებული აღიარებს ჩადენილ დანაშაულს. გამოძიება მიმდინარეობს საქართველოს სსკ-ის 108-ე მუხლით.   

0

ავტორი: