უიტნი ჰიუსტონი გარდაიცვალა

ამერიკის შეერთებულ შტატებში, 48 წლის ასაკში, ცნობილი მომღერალი უიტნი ჰიუსტონი გარდაიცვალა. ამის შესახებ ინფორმაციას „ასოშეითედ პრესი“ ავრცელებს. სიკვდილის მიზეზი, ჯერჯერობით, არ სახელდება.

ცნობილია, რომ უკანასკნელ წლებში, ჰიუსტონი, რომელიც ალოკოჰოლიზმსა და ნარკოდამოკიდებულებაზე მკურნალობდა, ბევრს ავადმყოფობდა. 2010 წელს, მომღერლის ცუდად ყოფნის გამო, მისი მსოფლიო ტურნეც კი ჩავარდა. საუბრობდნენ იმაზეც, რომ უიტნი ჰიუსტონი, უკანასკნელ ხანს, უკიდურესად გაღარიბდა და სახლის გაყიდვის შემდეგ, მეგობრებთან ცხოვრობდა.  

მომღერლის ფირფიტა „I look To You“, 2009 წელს, Billboard-ის რეტინგში, პირველ ადგილზე გავიდა და ის დიდი ხნის განმავლობაში, ლიდერობდა კანადის, გერმანიის, იტალიის და შვეიცარიის ჰიტ-პარადებში. მომღერალი გინესის რეკორდების წიგნშიც მოხვდა, როგორც ყველაზე მეტი ჯილდოების და პრემიების შემსრულებელი. მას მიღებული აქვს 6 „გრემი“, 2 „ემი“, 23  American Music Awards და 16 Billboard Music Awards.- ის ჯილდოები.

0

ავტორი: