საცივი

მასალა:

1.5 ჩ.ჭ. ნიგოზი

2 კბილი ნიორი

1 დიდი თავი ხახვი

1ლ. ანადუღარი წყალი

1 დაფნის ფოთოლი

1 ს.კ. ხარჩოს სუნელი (ხმელი ქინძი, უცხო სუნელი, ზაფრანი)

წიწაკა, პილპილი, მარილი და მიხაკ-დარიჩინი გემოვნებით

ნიგოზი, ნიორი და ხარჩოს სუნელი დაფქვით ან დაამატეთ ცოტაოდენი წყალი და ბლენდერში ათქვიფეთ. ხახვი წმინდად დაკეპეთ, მოშუშეთ ნიგვზის ზეთში და ასევე ბლენდერში ათქვიფეთ. შეურიეთ წიწაკა, პილპილი, მარილი, მიხაკ-დარიჩინი, ერთი ლიტრი ანადუღარი თბილი წყალი და შედგით დაბალ ცეცხლზე. ჩაუმატეთ დაფნის ფოთოლი და ურიეთ ხის კოვზით.

როცა წამოდუღდება, 3-5 წუთით გააჩერეთ და შემდეგ გადმოდგით. ცხლადვე დაასხით მოხარშულ თევზს/მოშუშულ სოკოს/მოხარშულ ხორცს, გააცივეთ და გემრიელად მიირთვით.

0

ავტორი: