12:54:35 26-12-2011
„არმია” კოჯრის ბავშვთა სახლს ესტუმრა
თავდაცვის სამინისტროს რაგბის კლუბმა ”არმია”-მ დღეს კოჯრის ბავშვთა სახლში საახალწლო განწყობა შეიტანა. რაგბისტებმა ბავშვებს შვიდკაცას ჩემპიონატში მოგებული ტელევიზორი, ტკბილეული და სხვა საჩუქრები გადასცეს. ბავშვთა სახლის აღსაზრდელები დიდი სიხარულით შეხვდნენ საქართველოს ჩემპიონი კლუბის სტუმრობას, მათ ”არმია”- ს თამაშებზე დასწრების სურვილიც გამოთქვეს.
თავდაცვის სამინისტროს კლუბმა ”არმია”-მ წელს საუკეთესო შედეგი აჩვენა. მიუხედავად იმისა, რომ კლუბი ახლად შექმნილია, მათ ყველა ჩემპიონატის ტიტულის მოპოვება შეძლეს. ”არმია” წელს უმაღლესი ლიგის, საქართველოს თასის და შვიდკაცას გამარჯვებულია.
mod.gov.ge
0