11:51:10 13-12-2011
ვინ გახდება ჯგუფ Queen-ის სოლისტი?
ბოლო დროს ვრცელდება ინფორმაცია, რომ ლეგენდარული ჯგუფი Queen ბრუნდება. თუმცა, ამისათვის ჯგუფის კოლექტივს ფრედი მერკურის შემცვლელის მონახვა მოუწევს. ჭორების თანახმად, ფრედის ადგილს ჯგუფში ლედი გაგა დაიკავებს.
Queen-ის გიტარისტი ბრაიან მეი ბრიტანულ გაზეთ Daily Express-ს უყვება, რომ ლედი გაგას უკვე შესთვაზეს ჯგუფის ვოკალისტობა. „მე ლედი გაგასთან მიმუშავია და ვიცი მისი კრეატიულობის შესახებ. შევთავაზეთ ჯგუფის ვოკალისტი გამხდარიყო. ამას გარდა, ლედი გაგა სიმღერებს თავადაც წერს“- აცხადებს გიტარისტი.
ასევე, ვრცელდება ინფორმაცია, რომ როჯერ ტეილორი და ბრაიან მეი მოლაპარაკებებს აწარმოებენ ტელეპროექტ American Idol-ის ვარსკვლავთან, ადამ ლამბერტთან. ეპატაჟური მომღერალი ჯგუფ Queen-თან ერთად MTV Europe Awards-ის ცერემონიალზე უკვე გამოჩნდა. თუმცა, ჯერჯერობით, უცნობია სამუდამოდ დაიკავებს თუ არა ლამბერტი ფრედი მერკურის ადგილს.
0