ყველა დროის საუკეთესო გიტარისტი

ჟურნალმა Rolling Stone-მა გამოკითხვა ჩაატარა და უდიდესი მუსიკოსის ტიტული ლეგენდარულ გიტარისტ ჯიმი ჰენდრიქსს მიანიჭა. როგორც Reuters იუწყება, მუსიკის ექსპერტებისა და საუკეთესო გიტარისტებისაგან დაკომპლექტებულმა გუნდმა, ყველა დროის საუკეთესო გიტარისტების სია შეადგინა.

„ჯიმი ჰენდრიქსმა შეცვალა ჩვენი წარმოდგენა, თუ როგორი უნდა იყოს როკ-მუსიკა. მას გიტარით მანიპულირება შეეძლო“ - განაცხადა მუსიკალური პრემიის „გრემის“ მფლობელმა ტომ მორელომ. მან ჯიმი ჰენდრიქსის საუკეთესო ნამუშევრებად Purple Haze და The Star-Spangled Banner დაასახელა.

ექპერტებს შორის, რომლებიც მონაწილეობას იღებდნენ საუკეთესო გიტარისტის კენჭისყრაში, იყვნენ ლენი კრავიცი (Lenny Kravitz), ედი ვან ჰალენი (Eddie Van Halen), რომელმაც, სხვათა შორის, მერვე ადგილი დაიკავა, ბრაიან მეი (Brian May) და დენ აუერბახი (Dan Auerbach) The Black Keys-დან. კენჭისყრაში მონაწილეობას, ასევე, იღებდნენ ძველი ჟურნალისტები და ჟურნალის რედაქტორები.

საბოლოოდ, შედგა საუკეთესო გიტარისტების ტოპ-ათეული, რომელიც ასე გამოიყურება:

1 - ჯიმი ჰენდრიქსი (Jimi Hendrix)

2 - ერიკ კლეპტონი (Eric Clapton)

3 - ჯიმი ფეიჯი (Jimmy Page)

4 - კიტ რიჩარდსი (Keith Richards)

5 - ჯეფ ბეკი (Jeff Beck)

6 - ბი ბი ქინგი (B. B. King)

7 - ჩაკ ბერი (Chuck Berry)

8 - ედი ვან ჰალენი (Eddie Van Halen)

9 - დუან ოლმენი (Duane Allman)

10 - პიტ თაუნშენდი (Pete Townshend)

0

ავტორი: