პრემიერა მუსკომედიის თეატრში

თბილისის ვასო აბაშიძის სახელობის მუსიკისა და დრამის სახელმწიფო თეატრში, დღეს 19.00 საათზე, სპექტაკლის "წერილები ღმერთს" პრემიერა შედგება, რომელიც რეჟისორმა მამუკა ტყემალაძემ დადგა. მასში ნინელი ჭანკვეტაძე და კახა კინწურაშვილი მონაწილეობენ.

ცნობისთვის, სპექტაკლი ცნობილი თანამედროვე მწერლის ერიკ ემანუელ შმიტის ნაწარმოების "ოსკარი და ვარდისფერი ქალბატონის მიხედვით" დაიდგა.

როგორც "ჯი-ეიჩ-ენს" თეატრიდან აცნობეს, პიესის სხვა პერსონაჟები სპექტაკლში ანიმაციის საშუალებით არიან წარმოდგენილი.

სპექტაკლი ლეიკემიით დაავადებული პატარა ბიჭის ამბავზეა, რომელიც წერილებს სწერს ღმერთს, სადაც საავადმყოფოში გატარებულ დღეებზე უყვება. ამ წერილებს, რომლებშიც ოსკარის ცხოვრების უკანასკნელი 12 დღეა აღწერილი, საავადმყოფოს ბავშვთა განყოფილების ექთანი ანუ ვარდისფერი უნიფორმით შემოსილი ქალბატონი აღმოაჩენს.

ghn

0

ავტორი: