”გასპაჩო”

მასალა:

პომიდორი  - 1500 გრ
ხახვი  - 1 თავი
მარილი  - გემოვნებით
პური  - 150 გრ (თეთრი)
ბულგარული წიწაკა  - 2 ცალი (წითელი)
ნიორი  - 2 კბილი
ზეითუნის ზეთი  - 50 მლ
კიტრი  - 200 გრ

ყველასათვის ცნობილი ესპანური ცივი სუპი, რომელიც უკვე დიდი ხანია პოპულარულია მთელს მსოფლიოში. პომიდორზე გავაკეთოთ ჯვრისებური ჩაჭრა და 1-2 წუთით ჩავდოთ მდუღარე წყალში. ამის შემდეგ მოვაცალოთ პომიდორს კანი. დავაბლენდეროთ გასუფთავებული პომიდორი, 1 ცალი წითელი წიწაკა და 1 თავი ხახვი. უნდა გამოვიდეს ერთგვაროვანი პიურე. ნიორი დავჭყლიტოთ მარილთან ერთად, დავამატოთ ზეითუნის ზეთი და დარბილებული პურის გული. დავამატოთ 1 ჩ/კ წყალი, ყველაფერი კარგად ავურიოთ. ეს ყველაფერი დავამატოთ დაბლენდერებულ მასაში. თუ სუპი გამოვა სქელი, შეიძლება დავამატოთ წყალი ან პომიდვრის წვენი. შევინახოთ სუპი მაცივარში 1-2 საათით. უნდა კარგად გაცივდეს. თეთრი პური დავჭრათ პატარა კუბიკებად და გავაშროთ ტაფაზე. ბულგარული წიწაკა და კიტრი ასევე დავჭრათ პატარა კუბიკებად. მირთმევის წინ ჩავყაროთ დაჭრილი კიტრი, პური და წიწაკა.

0

ავტორი: