"რუსეთის ხელმძღვანელობა არ ემზადება ცეცხლის შეწყვეტისთვის, რაზეც ამდენი განცხადება გაკეთდა"
ჩვენ გვაქვს დოკუმენტაცია, რომელიც აღწერს რუსების გეგმებს ჩვენი დროებით ოკუპირებული ტერიტორიების ექსპლუატაციის შესახებ. უკრაინის სამხრეთ მიწებზე, რომლებიც ამჟამად ოკუპირებულია, რუსეთი აპირებს განახორციელოს ძარცვისა და დეინდუსტრიალიზაციის არსებითად იგივე პროცესები, რაც მან დონბასის ოკუპირებულ ნაწილებში განახორციელა. დაგეგმილია გეოლოგიური ძიება, რასაც მოჰყვება ძვირფასი ნედლეულის სწრაფი მოპოვება და ექსპორტი სულ მცირე 18 საბადოდან - მათ შორის არის ტიტანი, ლითიუმი, ტანტალი, ნიობიუმი, ცირკონი, მოლიბდენი და გრაფიტი. ოკუპანტები ასევე ამუშავებენ შემდგომ ზომებს წლევანდელი მარცვლეულის მოსავლის მისატაცებლად და გასატანად. ჩვენ ვემზადებით ამის დასაპირისპირებლად...
დღეს მე ცალკეული დავალებები მივეცი უკრაინის თავდაცვის დაზვერვას რუსეთის საჰაერო თავდაცვის სისტემასთან დაკავშირებით. ჩვენ ვხედავთ, რომ ბოლო კვირების განმავლობაში, მოსკოვის გარშემო საჰაერო თავდაცვის დამატებითი რგოლები აშენდა რუსეთის რეგიონებიდან სისტემების მასშტაბური გადასროლის ხარჯზე. ეს იმაზე მეტყველებს, რომ რუსეთის ხელმძღვანელობა არ ემზადება ცეცხლის შეწყვეტისთვის, რაზეც ამდენი განცხადება გაკეთდა, და უფრო მეტად ზრუნავს თავის აღლუმზე მოსკოვში, ვიდრე დანარჩენ რუსეთზე. ამავდროულად, ჩვენ ვხედავთ, რომ ეს დამატებით შესაძლებლობებს ქმნის ჩვენი შორ მანძილზე მოქმედი სანქციებისთვის. ჩვენ განვსაზღვრავთ შესაბამის პრიორიტეტებს" - უკრაინის პრეზიდენტი, ვოლოდიმერ ზელენსკი.
