"გვაქვს უტყუარი მონაცემები, რომ რუსები ირანის რეჟიმისთვის სადაზვერვო ინფორმაციის მიწოდებას აგრძელებენ"
"მოვისმინე დაზვერვის მთავარი სამმართველოს ხელმძღვანელის, ოლეგ ივაშჩენკოს მოხსენება:
პირველი: გვაქვს უტყუარი მონაცემები, რომ რუსები ირანის რეჟიმისთვის სადაზვერვო ინფორმაციის მიწოდებას აგრძელებენ. რუსეთი იყენებს რადიოტექნიკური და რადიოელექტრონული დაზვერვის საკუთარ შესაძლებლობებს, ისევე როგორც ახლო აღმოსავლეთში პარტნიორებისგან მიღებული მონაცემების ნაწილს.
მეორე: დაზვერვის მთავარი სამმართველო რეგულარულად წარადგენს ფრონტზე არსებული სიტუაციის შეფასებას და შიდა რუსულ ინფორმაციას ბრძოლის ველზე მათი აქტივობების შესახებ. რუსეთის სარდლობა მუდმივად ცდილობს გადააჭარბოს რუსული ჯარების მიღწევებს ფრონტის ხაზზე, რათა შემდგომში საოკუპაციო კონტინგენტის შტაბის ეს გაზვიადებული მონაცემები მოლაპარაკებების პროცესში გამოიყენოს.
მესამე: გვაქვს მკაფიო ინფორმაცია, რომ რუსეთი გეგმავს შორი მანძილის უპილოტო საფრენი აპარატების მართვის მიწისზედა სადგურების შემდგომ განლაგებას როგორც უკრაინის დროებით ოკუპირებულ ტერიტორიაზე, ისე ოთხი სადგურის განთავსებას ბელარუსის ტერიტორიაზე. ჩვენ გვექნება შესაბამისი რეაგირება.
დავავალე ოლეგ ივაშჩენკოს, მიაწოდოს ინფორმაცია პარტნიორებსა და მედიის წარმომადგენლებს იმ მონაცემების შესახებ, რომელთა გასაჯაროებაც შესაძლებელია" - აცხადებს უკრაინის პრეზიდენტი ვოლოდიმირ ზელენსკი.
