"ეს იქნება რაღაც ისეთი, რითაც მთელი მსოფლიო იამაყებს..."
„გარიგება, რომელსაც ჩვენ ირანთან ვდებთ, ბევრად უკეთესი იქნება, ვიდრე JCPOA, რომელსაც ჩვეულებრივ „ირანის ბირთვულ შეთანხმებას“ უწოდებენ - შედგენილი ბარაკ ობამასა და „მძინარე“ ჯო ბაიდენის მიერ. ეს იყო ერთ-ერთი ყველაზე ცუდი გარიგება, რაც კი ოდესმე დადებულა ჩვენი ქვეყნის უსაფრთხოებასთან დაკავშირებით. ეს იყო გარანტირებული გზა ბირთვული იარაღისკენ, რაც არ მოხდება და ვერ მოხდება იმ შეთანხმებით, რომელზეც ჩვენ ვმუშაობთ. მათ ირანს რეალურად მისცეს $1.7 მილიარდი დოლარი ნაღდი ფულით, რომელიც Boeing 757-ში ჩატვირთეს და ირანში გადააფრინეს, რათა იქაურ ხელმძღვანელობას ისე დაეხარჯა, როგორც მოესურვებოდა. მან გამოცალა მთელი ნაღდი ფული ვაშინგტონის, ვირჯინიისა და მერილენდის ბანკებიდან. ბანკირები ამბობდნენ, რომ მსგავსი არაფერი უნახავთ. გარდა ამისა, ირანს ასობით მილიარდი დოლარი გადაუხადეს.
მე რომ ის „გარიგება“ არ შემეწყვიტა, ბირთვულ იარაღს გამოიყენებდნენ ისრაელის წინააღმდეგ და მთელ ახლო აღმოსავლეთში, მათ შორის ჩვენს სათაყვანებელ ამერიკულ სამხედრო ბაზებზეც.
თუ ირანთან შეთანხმება ტრამპის დროს შედგება, ეს იქნება მშვიდობისა და უსაფრთხოების გარანტია არა მხოლოდ ისრაელისა და ახლო აღმოსავლეთისთვის, არამედ ევროპისთვის, ამერიკისა და ყველა სხვა ადგილისთვის. ეს იქნება რაღაც ისეთი, რითაც მთელი მსოფლიო იამაყებს, ნაცვლად იმ მრავალწლიანი სირცხვილისა და დამცირებისა, რომლის ატანაც არაკომპეტენტური და მხდალი ხელმძღვანელობის გამო მოგვიწია!" - წერს აშშ-ის პრეზიდენტი დონალდ ტრამპი საკუთარ სოციალურ ქსელში Truth Social.
