"ბოლო კვირის განმავლობაში ჩემმა გუნდმა რუსეთსა და უკრაინას შორის ომის დასრულების კუთხით უზარმაზარ პროგრესს მიაღწია"
"ბოლო კვირის განმავლობაში ჩემმა გუნდმა რუსეთსა და უკრაინას შორის ომის დასრულების კუთხით უზარმაზარ პროგრესს მიაღწია (ეს არის ომი, რომელიც არასდროს დაიწყებოდა, მე რომ პრეზიდენტი ვყოფილიყავი!).
გასულ თვეში 25 000 ჯარისკაცი დაიღუპა. 28-პუნქტიანი სამშვიდობო გეგმა, რომელიც შეერთებულმა შტატებმა შეიმუშავა, ორივე მხარის მიერ დამატებითი წვლილის შეტანით დაიხვეწა და მხოლოდ რამდენიმე საკითხი დარჩა გადასაჭრელი. ამ სამშვიდობო გეგმის დასრულების იმედით, ჩემს სპეციალურ წარმომადგენელს სტივ უიტკოფს დავავალე, მოსკოვში შეხვდეს პრეზიდენტ პუტინს და ამავდროულად, არმიის მდივანი დენ დრისკოლი შეხვდება უკრაინელებს.
მიღწეული ყველა პროგრესის შესახებ მომეხსენება ვიცე-პრეზიდენტ ჯ.დ. ვენსთან, სახელმწიფო მდივან მარკო რუბიოსთან, სამხედრო მდივან პიტ ჰეგსეთთან და თეთრი სახლის ადმინისტრაციის უფროსთან სუზი უაილსთან ერთად.
მოუთმენლად ველი პრეზიდენტ ზელენსკისა და პრეზიდენტ პუტინთან შეხვედრას რაც შეიძლება მალე, მაგრამ მხოლოდ მაშინ, როდესაც ამ ომის დასრულების შესახებ შეთანხმება მოხდება ან საბოლოო ეტაპზე იქნება. გმადლობთ ამ ძალიან მნიშვნელოვან საკითხზე თქვენი ყურადღებისთვის და ვიმედოვნებთ, რომ მშვიდობა რაც შეიძლება მალე იქნება მიღწეული!" - წერს აშშ-ის პრეზიდენტი, დონალდ ტრამპი საკუთარ სოციალურ ქსელში Truth Social.
