"ახლახან 42 000 უდანაშაულო, შეუიარაღებელი მომიტინგე გაანადგურეს" - ტრამპი ირანის ხელისუფლებაზე

"ირანი 47 წლის განმავლობაში ეთამაშებოდა შეერთებულ შტატებსა და დანარჩენ მსოფლიოს (გაჭიანურება, გაჭიანურება, გაჭიანურება!) და ბოლოს, როგორც იქნა, „ოქროს საბადოს“ მიაგნო, როდესაც ბარაკ ჰუსეინ ობამა პრეზიდენტი გახდა. ის მათ მიმართ არა მხოლოდ კეთილგანწყობილი, არამედ საუკეთესო იყო - რეალურად მათ მხარეს გადავიდა, განზე გასწია ისრაელი და ყველა სხვა მოკავშირე და ირანს ახალი და ძალიან მძლავრი სასიცოცხლო ძალა მისცა.

ასობით მილიარდი დოლარი და 1.7 მილიარდი დოლარი ნაღდი ფულით, რომელიც თეირანში თვითმფრინავით ჩაიტანეს, მათ ვერცხლის ლანგრით მიართვეს. ვაშინგტონის, ვირჯინიისა და მერილენდის ყველა ბანკი დაიცალა - ეს იმდენად დიდი ფული იყო, რომ როდესაც ის ადგილზე ჩავიდა, ირანელმა ავაზაკებმა არ იცოდნენ, რა ექნათ ამისთვის. მათ ასეთი ფული მანამდე არასდროს ენახათ და აღარც არასდროს ნახავენ. ის თვითმფრინავიდან ჩემოდნებითა და ჩანთებით გადმოტვირთეს და ირანელებს საკუთარი იღბლის არ სჯეროდათ. მათ საბოლოოდ იპოვეს ყველაზე დიდი „სულელი“ სუსტი და უგუნური ამერიკის პრეზიდენტის სახით. ის, როგორც ჩვენი „ლიდერი“, კატასტროფა იყო, მაგრამ არა ისეთი ცუდი, როგორიც „მძინარე“ ჯო ბაიდენია!

47 წლის განმავლობაში ირანელები გვატყუებდნენ, გვალოდინებდნენ, ხოცავდნენ ჩვენს ხალხს გზისპირა ბომბებით, ახშობდნენ პროტესტს და ახლახან 42 000 უდანაშაულო, შეუიარაღებელი მომიტინგე გაანადგურეს და დასცინოდნენ ჩვენს ახლა უკვე კვლავ დიდებულ ქვეყანას. ისინი მეტს აღარ გაიცინებენ!" - აშშ-ის პრეზიდენტი დონალდ ტრამპი საკუთარ სოციალურ ქსელში - Truth Social