საქართველოში დაკავებულის, 19 წლის ბრიტანელი ქალის ოჯახმა განაცხადა, რომ მისი გათავისუფლებისთვის 187 000 აშშ დოლარის კომპენსაცია გადაიხადეს

Reuters და BBC წერს, რომ საქართველოში ნარკოტიკების კონტრაბანდის ბრალდებით დაკავებული 19 წლის ბრიტანელის, ბელა მეი ქალის ოჯახმა განაცხადა, რომ მისი გათავისუფლებისთვის 187 000 აშშ დოლარის კომპენსაცია გადაიხადეს.

უცხოური მედია მის ოჯახის წევრებზე დაყრდნობით წერს, რომ სასამართლო შეთანხმების შესაბამისად, 500 000 ლარი გადაიხადეს და თანხის სამთავრობო ანგარიშზე ასახვას ელოდებიან. ცნობილია, რომ ამ თანხის ასახვის შემდეგ, მისი სასჯელი 2-წლიან პატიმრობამდე შემცირდება

ბელა მეი ქალი ამჟამად ორსულობის 35-ე კვირაშია. როდესაც დედას მისი შვილის ჯანმრთელობის შესახებ ჰკითხეს, თქვა, რომ „ის მომატებულია, ორსულადაა, თუმცა ძლიერად გამოიყურება“.

19 წლის ბელა მეი ქალი ინგლისის ჩრდილო-აღმოსავლეთით მდებარე ბილინგჰემიდან არის, ის თბილისში გამოფრენამდე ტაილანდში იყო გაუჩინარებული, აეროპორტში ჩამოსვლისთანავე, მას ქართველმა მესაზღვრეებმა ბარგში 12 კგ მარიხუანა და 2 კგ ჰაშიში უპოვეს. მსგავსი დანაშაული 20 წლამდე თავისუფლების აღკვეთას ითვალისწინებს.

ბელა ქალი ჯერჯერობით რუსთავის ქალთა ციხეში იმყოფება. ქალის ადვოკატმა, მალხაზ სალაყაიამ, განაცხადა, რომ სასამართლო საქმეზე კიდევ ერთ სხდომას მომავალ ორშაბათს გამართავს. ივლისში გამართულ სასამართლო სხდომაზე ბელა ქალიმ განაცხადა, რომ უდანაშაულოა და ნარკოტიკების გადატანაზე წამებით დაითანხმეს.