ჩანგლიანი დამტვირთველი: შეარჩიეთ ტექნიკა, რომელიც ტვირთვის გადაზიდვას ამარტივებს

ნედლეულის მიღება, საწარმოო ხაზზე გადაადგილება და მზა პროდუქციის დასაწყობება ისეთი პროცესებია, რომლებიც სიზუსტესა და სისწრაფეს მოითხოვს. ამ ოპერაციების გასამარტივებლად კომპანიები ხშირად იყენებენ ჩანგლიან დამტვირთველს — მძლავრ, თვითმავალ ტექნიკას, რომლის მთავარი დანიშნულება მძიმე ტვირთის აწევა და გადაადგილებაა. თუმცა, მისი შესაძლებლობების გამოსაყენებლად, მნიშვნელოვანია ისეთი მოდელის შერჩევა, რომელიც კონკრეტული ბიზნესის საჭიროებებს მოერგება. 

რა დროს არის საჭირო ჩანგლიანი დამტვირთველი?

ტვირთი თუ 2-2.5 ტონას ან მეტს იწონის, მისი გადაადგილებისთვის უკვე სპეციალიზებული ტექნიკაა საჭირო. ასეთი მასის პალეტებთან მუშაობა სხვა საშუალებებით არაეფექტური და ხშირად შეუძლებელიცაა.

მნიშვნელოვანი ფაქტორია ისიც, ტვირთის აწევა რა სიმაღლეზეა საჭირო. სივრცის ასათვისებლად საწყობში საპალეტე თაროები მონტაჟდება, რომლებიც 4-5 ან მეტი სიმაღლის შეიძლება იყოს. ტვირთის დასაწყობებას და ჩამოღებას სპეციალური ტექნიკა სჭირდება, რომელიც მას მარტივად მისწვდება და უსაფრთხოდ გადააადგილებს, ასეთი კი ჩანგლიანი დამტვირთველია.

გასათვალისწინებელია სამუშაო პროცესის დინამიკაც. თუ საქმიანობა უწყვეტ რეჟიმში, რამდენიმე ცვლის განმავლობაში მიმდინარეობს, საჭიროა ტექნიკა, რომელიც ასეთ დატვირთვას გაუძლებს. ამასთანავე, თუ სამუშაოები ღია ცის ქვეშ ან უსწორმასწორო საფარზე (მაგალითად, საწარმოს ეზოში ან სამშენებლო მოედანზე) სრულდება, აუცილებელიც კი ხდება ისეთი ტექნიკის გამოყენება, რომელიც რთულ გარემო პირობებზეა გათვლილი.

ძრავის ტიპი — რომელია ბიზნესისთვის უკეთესი?

სწორი მოდელის შერჩევისას ერთ-ერთი მთავარი ფაქტორი ძრავის ტიპია. K2 გთავაზობთ როგორც დიზელის, ისე ლითიუმ-იონის ბატარეაზე მომუშავე დამტვირთველებს, რომლებიც სხვადასხვა დატვირთვისა და სამუშაო გარემოსთვისაა განკუთვნილი. 

დიზელის ძრავიანი დამტვირთველები

დიზელის ძრავით აღჭურვილი დამტვირთველები იდეალურია იმ საწყობებისთვის, სადაც ინტენსიურად დატვირთული სამუშაო გარემოა. მაგალითად, K2-ის მიერ შემოთავაზებული მოდელები მაღალი ეფექტურობითა და უსაფრთხოებით გამოირჩევა. ისინი საუკეთესო არჩევანია გარე სივრცეებში სამუშაოდ და დიდი მოცულობის ტვირთებთან გასამკლავებლად. 

ელექტრო (ლითიუმ-იონის) დამტვირთველები

ლითიუმ-იონის ბატარეაზე მომუშავე დამტვირთველები ენერგოეფექტური და მძლავრი მოდელებია. მათი მთავარი უპირატესობა ხანგრძლივი მუშაობის რესურსი და მინიმალური შეფერხებებია. ასეთი დამტვირთველები უნდა შეარჩიოთ შიდა სასაწყობე ოპერაციების შესასრულებლად, რადგან არ გამოყოფს გამონაბოლქვს და ნაკლები ხმაურით მუშაობს. 

რატომ უნდა ითანამშრომლოთ K2-თან?

K2 Toyota Material Handling-ის ოფიციალური წარმომადგენელია საქართველოში. ეს კი გარანტია იმის, რომ მომხმარებელი იღებს უმაღლესი ხარისხის და სხვადასხვა სამუშაო პირობებში გამოცდილ დამტვირთველებს.

ამასთან ერთად, პროფესიონალებით დაკომპლექტებული გუნდი აანალიზებს სასაწყობე სივრცის სპეციფიკას, გამოწვევებს, დამაბრკოლებელ ფაქტორებს და ოპტიმიზაციისთვის ინდივიდუალურ გეგმას ადგენს, რომელიც სამუშაო გარემოსთან ერთად, განსაზღვრულ ბიუჯეტსაც ერგება.

თანამშრომლობის პირველი ეტაპის დასრულების შემდეგ, მომხმარებელსა და კომპანიას შორის კავშირი არ წყდება. გაყიდვის შემდგომი მომსახურება ტექნიკური ხარვეზების გამოვლენის შემთხვევაში მხარდაჭერას, პროფილაქტიკურ შემოწმებასა და ხარისხის მონიტორინგს გულისხმობს.

სამუშაო პროცესის უწყვეტობას 24/7 მხარდაჭერის სერვისი და სერტიფიცირებული ტექნიკოსების მობილური ჯგუფი ემსახურება. ნებისმიერი გაუმართაობის შემთხვევაში, ისინი მზად არიან, სწრაფად მოაგვარონ პრობლემა ადგილზე. ამასთან, კომპანია ფლობს ორიგინალი სათადარიგო ნაწილების მარაგს, რაც ამცირებს ტექნიკის შეკეთებისთვის საჭირო დროს.

საბოლოო ჯამში, K2-ის არჩევა ნიშნავს პარტნიორობას კომპანიასთან, რომელიც ზრუნავს სასაწყობო ოპერაციების სტაბილურობასა და წარმატებაზე.

დამატებითი ინფორმაციისათვის დარეკეთ ნომერზე: 551 07 22 22 ან ეწვიეთ ვებგვერდს: https://k2.ge/