• თბილისი
  • 27°C
  • 18 ივნისი, 2018
article

საქართველოს პირველი რესპუბლიკის დაარსებიდან 100 წლის იუბილეს ელისაბედ მეორე ულოცავს

საქართველოს პირველი რესპუბლიკის დაარსებიდან 100 წლის იუბილეს გაერთიანებული სამეფოს დედოფალი ელისაბედ მეორე ულოცავს. ამის შესახებ ინფორმაციას საქართველოში გაერთიანებული სამეფოს საელჩო ავრცელებს. 

Twitter -ის გვერდზე ნათქვამია, რომ ელისაბედ მეორემ წერილი პრეზიდენტ მარგველაშვილს სახელზე გამოაგზავნა.

„დიდი სიამოვნებით გილოცავთ დამოუკიდებლობის დღეს, კერძოდ კი იმ წელს, როდესაც საქართველოს პირველი დემოკრატიული რესპუბლიკის დაარსების 100 წლისთავს აღნიშნავთ. საუკეთესო სურვილებით გიერთდებით და გისურვებთ ქართველ ხალხს იღბალს და ბედნიერებას. მე კიდევ ერთხელ აღვნიშნავ, ჩვენი ქვეყნების მჭიდრო ისტორიულ კავშირს და ველოდები მეგობრობის და თანამშრომლობის გაგრძელებას”, – ნათქვამია გაერთიანებული სამეფოს დედოფლის წერილში.