ბიზანტიური ხელოვნების მუზეუმი

ბერლინში ხელოვნების მუზეუმის შექმნის იდეა 1871 წელს, კაიზერის კარზე, კრონპრინცის გარემოცვაში დაიბადა. ოდნავ მოგვიანებით, იმპერატორ ფრიდრიხ III-ის დროს ეს საკითხი ხელახლა წამოიჭრა. კონკრეტული წინადადებები ვილჰელმ ფონ ბოდემ წამოაყენა. კარის არქიტექტორმა ერნსტ ფონ ინემ 1897-1904 წლებში, სამუზეუმო შენობა ბოდეს მიერ შეგროვებული ფერწერული და სკულპტურული კოლექციისთვის ააგო. მუზეუმი 1904 წლის 18 ოქტომბერს, 1888 წელს გარდაცვლილი ფრიდრიხ III-ის დაბადების დღეს გაიხსნა.

ნეობაროკოს სტილში შესრულებული შენობა, სამუზეუმო კუნძულის ჩრდილო-დასავლეთ დაბოლოებაზე, 6 000 კვადრატულ მეტრზეა განლაგებული და არასწორი სამკუთხედის ფორმით არის წარმოდგენილი. მუზეუმი დიდი პოპულარობით სარგებლობს დამთვალიერებლებში და ყოველწლიურად ათასობით მომნახულებელიც ჰყავს.