პრინცი ჰარი სამხედრო სწავლებაში მიიღებს მონაწილეობას

პრინცი ჰარი, ამერიკის შეერთებულ შტატებში სამხედრო სწავლებებში მონაწილეობის მისაღებად ჩავიდა. სწავლებები ორი თვის განმავლობაში გაიმართება. სააგენტო „ასოშეითედ პრესის“ ცნობით, პრინცი „აპაჩის“ ტიპის თვითმფრინავის პილოტი იქნება.

მედიის ინფორმაციითვე, ფრენები სამხედრო ბაზა ელ-სენტროსთან გაიმართება, რომელიც მექსიკის საზღვართან მდებარეობს. პრინცი ჰარი ერთ-ერთია იმ ოცი ბრიტანელი კურსანტიდან, რომელნიც სასწავლო პროგრამაში მიიღებენ მონაწილებას. ეს პროგრამა ამერიკის შეერთებული შტატების სამხედრო-საჰაერო ბაზა გილა-ბენდზე, არიზონას შტატში შესრულდება.