ფრედი მერკურის Asian Award-ით დააჯილდოვებენ

ფრედი მერკურის და ლეგენდარული ჯგუფის "ქვინის" ხელოვნება რომ უკვდავია, კიდევ ერთხელ დასტურდება. დღეს გავრცელებული ინფორმაციით, მომღერალს ხელოვნების განვითარებაში შეტანილი განსაკუთრებული წვლილისთვის Asian Award-ით დააჯილდოვებენ. ფრედი მერკურის ხსოვნისადმი მიძღვნილი საღამო ლონდონში, Grosvenor House-ში 18 ოქტომბერს გაიმართება. ღონისძიებას მერკურის მეგობრები დაესწრებიან.

როგორც ცნობილია, ფრედი მერკურის ნამდვილი სახელი ფარუხ ბულსარაა. ის ზანზიბარში, აღმოსავლეთ აფრიკაში დაიბადა, განათლება კი ინდოეთში მიიღო. მუსიკოსი 1991 წელს გარდაიცვალა. ამჟამად მომღერალი 65 წლის იქნებოდა.