ყველაზე ვირტუოზი პიანისტი, ჯაზის ისტორიაში
10:50:51 09-09-2011
კანადელი ჯაზის პიანისტი და კომპოზიტორი ოსკარ იმანუელ პიტერსონი 1925 წელს, კანადაში, კვებეკში დაიბადა. დუკ ელინგტონმა მას „კლავიატურის მაჰარაჯა“ უწოდა. პეტერსონი ჯაზის ისტორიაში ყველაზე ვირტუოზ პიანისტად არის აღიარებული.
ხუთი წლის ასაკში მამამ ტრომბონსა და პიანინოზე დაკვრა ასწავლა. თუმცა, 7 წლის ასაკში, ტუბერკულოზის გადატანის გამო, პიტერსონი იძულებული გახდა მხოლოდ ფორტეპიანოთი შემოფარგლულიყო.
ის კარიერის განმავლობაში, მრავალ გამოჩენილ ჯაზ-მუსიკოსთან თანამშრომლობდა, მათ შორის იყვნენ დეივ ბრუბეკი, რეი ბრაუნი, ბენ უებსტერი, ლუი არმსტრონგი, კაუნტ ბეისი და სხვები. 2004 წელს, ტორონტოს ერთ-ერთ ცენტრალურ მოედანს მისი სახელი დაარქვეს. “კლავიატურის მაჰარაჯა” 2007 წელს გარდაიცვალა.