სოუსი „ბერნეზი“

მასალა:

2 სუფრის კოვზი ძმარი
1 სუფრის კოვზი წვრილად დაჭრილი ხახვი
4 მარცვალი დანაყილი პილპილი
2 სუფრის კოვზი თეთრი ღვინო
2 კვერცხის გული
2 სუფრის კოვზი კარაქი
სხვადასხვა სუნელები

ძმარს დავამატოთ დანაყილი პილპილი და ხახვი და დავდგათ ცეცხლზე. მარინადი ვადუღოთ 15 წუთი, შემდეგ ვაცალოთ გაციება და დავამატოთ თეთრი ღვინო და კვერცხის გული. მოვათავსოთ სოუსი ორთქლიან ქვაბზე და ვთქვიფოთ სქელი მასის მიღებამდე (წყალი ქვაბში არ უნდა დუღდეს, უბრალოდ მასში მდუღარე წყალი უნდა ესხას) თანდათან დავამატოთ კარაქი. გემოვნებისამებრ დავამატოთ მარილი, პილპილი და სხვა საკმაზები.