"სამწუხაროა, რომ საქართველო ევროკავშირის კურსს სულ უფრო შორდება"

ესტონეთის საგარეო საქმეთა მინისტრის თქმით, საქართველო ევროკავშირის კურსს სულ უფრო შორდება და აღნიშნული ფაქტი განსაკუთრებით სამწუხაროა. მარკუს ცაჰკნამ ამის შესახებ სოციალურ ქსელში დაწერა:

"შევხვდი საქართველოს ელჩს ესტონეთში, ზურაბ ხამაშურიძეს და ტალინში ახალ პოზიციაზე წარმატებები ვუსურვე. 

მიუხედავად გეოგრაფიული მანძილისა, ესტონეთი და საქართველო ყოველთვის იზიარებდნენ განსაკუთრებულ კავშირს, ამიტომ, განსაკუთრებით სამწუხაროა, რომ საქართველო ევროკავშირის კურსს სულ უფრო შორდება, - წერს ცაჰკნა.