რა შეუმსუბუქებს შრომას ქართველ ფერმერებს?

პასუხი მარტივია — ჭკვიანი ტექნოლოგიები, რომლებიც სოფლის მეურნეობის სპეციფიკურ საჭიროებებზეა მორგებული და მართვის მოსახერხებელი სისტემით გამოირჩევა

თანამედროვე, სწრაფად განვითარებად გარემოში, სოფლის მეურნეობა მაქსიმალურად ეფექტიანი უნდა იყოს, ამიტომ აგროსექტორში ჭკვიანი ტექნოლოგიები უფრო და უფრო პოპულარული ხდება. ამავდროულად, წარმატების შესანარჩუნებლად ფერმერები სიახლეებისთვის უნდა იყვნენ მზად, რისთვისაც სჭირდებათ ტექნიკა, რომელიც გამოწვევებს უპასუხებს.

სწორედ ასეთ მომსახურებასა და პროდუქციის ფართო არჩევანს სთავაზობს ფერმერებს გერმანული კომპანია Fendt, რომელსაც საქართველოში ოფიციალურად „თეგეტა აგრი“ წარმოადგენს. მათი ტრაქტორები სპეციფიკურ საჭიროებებზეა მორგებული, გამოირჩევა ტექნიკური მონაცემებით, ზუსტი ინჟინერიითა და საწვავის ოპტიმალურად მოხმარებით.

Fendt-ის ტრაქტორები აღჭურვილია ძლიერი ძრავებით, მოწინავე გადაცემის სისტემებით და კარგად არის მორგებული ისეთ ამოცანებზე, როგორებიცაა ხვნა და ნიადაგის მომზადება. ერთ-ერთი თვალსაჩინო მახასიათებელი Vario-ს გადაცემათა კოლოფია, რომელიც სიჩქარის რეგულირების საშუალებას იძლევა და საწვავის ოპტიმალურ მოხმარებას უზრუნველყოფს. Fendt-ის გუნდი ხუმრობს, რომ მათი ტექნიკა საწვავს კი არ მოიხმარს, „არამედ ჰიდრავლიკურ სითხეს, რომელიც Fendt-ის ტრაქტორის ვენებში მიედინება“.

ტრაქტორები თავსებადია ტექნოლოგიებთან, რომლებიც გამოიყენება სასუქების, პესტიციდებისა და ჰერბიციდებისთვის. კომბაინები კი მაღალი წარმადობითა და სეპარაციის სისტემით გამოირჩევა. ეს ფუნქციები ქიმიური მოხმარების, გარემოზე ზემოქმედებისა და მოსავლის დანაკარგის მინიმუმამდე დაყვანას უზრუნველყოფს.

კომპანია ფერმერებს სთავაზობს სხვადასხვა ხელსაწყოს ნიადაგის მომზადებისა და კულტივირებისთვისაც, რაც მათ საშუალებას მისცემს, აწარმოონ მაღალი ხარისხის საკვები პირუტყვისთვის და დანაკარგები შეამცირონ. ასევე, ციფრულ გადაწყვეტილებებს ფერმის მონაცემთა მართვისა და ოპტიმიზაციისთვის. შედეგად, Fend”-ის ტექნიკა მნიშვნელოვნად უწყობს ხელს სოფლის მეურნეობის პროდუქტიულობასა და მდგრადობას.

თუმცა თანამედროვე ტექნოლოგიების შეფასებისას მნიშვნელოვანია არა მხოლოდ მონაცემები, არამედ საველე პირობებში მათი ეფექტიანობა. ამ მხრივ, კომპანიას კარგი რეპუტაცია აქვს და ფერმერების მეგობარსაც უწოდებენ. მომხმარებლები, რომლებმაც უკვე ისარგებლეს ტრაქტორებით, ამბობენ, რომ ის ეფექტურია სხვადასხვა ამოცანის შესასრულებლად და რაც ძალიან მნიშვნელოვანია, ეკონომიურად მოიხმარს საწვავს, ეს კი ფინანსურ სტაბილურობას უწყობს ხელს. მათივე შეფასებით, ეფექტურია GPS სისტემებიც და თუ ერთხელ სწორად დააპროგრამებთ ტრაქტორს თქვენი მიწის ფორმასა და ზომაზე, სამომავლოდ ეს ცხოვრებას გაგიმარტივებთ. ფერმერებისთვის მიმზიდველია ოპერაციული სისტემაც, რომელიც მონაცემების გაანალიზებას უზრუნველყოფს, და საგარანტიო პირობებიც, რაც ხარისხზე სანდოობას ზრდის.

კომპანიას დადებითი შეფასებები აქვს ექსპერტებისგანაც, რომლებიც ტესტდრაივზე აგებენ პასუხს: მათი შეფასებით, Fendt ტრაქტორები ყოველთვის კარგად გადის ტესტირებას და ლიდერობს ტექნიკური მონაცემებით, კარგად შერჩეული დიზაინი კი, მძღოლის მიერ შიდა სივრცის ეფექტურად ათვისებას უწყობს ხელს.

„თეგეტა ჰოლდინგის” შვილობილი კომპანიის, „Tegeta Construction Equipment”-ის ახალი მიმართულება, „თეგეტა აგრი” 2023 წლიდან სასოფლო-სამეურნეო ტექნიკის ევროპული და ამერიკული ბრენდებით ამარაგებს ქართულ ბაზარს. კომპანია ოფიციალურად წარმოადგენს ისეთ მსხვილ აგრო ტექნიკის მწარმოებელ ბრენდებს როგორიცაა: Fendt, Valtra, Goldoni, JCB და Zetor-ი. „თეგეტა აგრის“ „Fendt”-ისა და „Valtra”-ს ოფიციალური დისტრიბუტორის სერტიფიკატიც გადაეცა, ორივე მათგანი გაერთიანებულია ამერიკულ კორპორაცია „AGCO”-ში, რომელიც სასოფლო-სამეურნეო ტექნიკის წარმოება-რეალიზაციის მხრივ მსოფლიო ლიდერად მიიჩნევა.