გიზიარებთ სწრაფ და გემრიელ რეცეპტებს, რომლის მთავარი ინგრედიენტი სოსისი „ცეროდენაა“. ეს რეცეპტები იდეალურია როგორც ვახშმისთვის, ასევე სკოლის ლანჩბოქსისთვისაც.

გამომცხვარი ტოსტები სოსისით და ყველით

საუზმისა და ლანჩის იდეა 4 ინგრედიენტით. მოსამზადებლად დაგჭირდებათ დაახლოებით 15-20 წუთი და გემრიელი ტოსტი მზად იქნება.

ინგრედიენტები:

• ტოსტის პური 6 ნაჭერი
• ყველის ფირფიტა 6 ც.
• სოსისი „ცეროდენა“ 12 ცალი
• გახეხილი სულგუნი ან მოცარელა ზემოდან მოსაყრელად
• კვერცხი

მომზადების წესი:

1. დაგჭირდებათ ტოსტის პური, რომელიც უნდა გააბრტყელოთ იმისთვის, რომ მარტივად გადაკეცოთ.
2. დაადეთ ზემოდან ყველის ფირფიტა, „ცეროდენას“ 2 პატარა სოსისი და გადაკეცეთ.
3. ამოავლეთ კვერცხში. უმჯობესია დაამაგროთ ჩხირით, რომ ცხობის დროს არ დაიშალოს.
4. ზემოდან მოაყარეთ გახეხილი ყველი, რომელიც ცხობის დროს დაადნება და კიდევ უფრო გემრიელს გახდის. 
5. გამოაცხვეთ ღუმელში და მიირთვით გემრიელად!

ძალიან მარტივი და განსხვავებული რეცეპტი სენდვიჩებისა და ჰოთდოგების მოყვარულებს

ეს რეცეპტი გამოგადგებათ ლანჩის იდეად.

ინგრედიენტები

• ბულგარული წიწაკა
• სოსისი „ცეროდენა“
• პური
• ყავისფერი შაქარი 1 ჩ/კ.
• სოიოს სოუსი 1 ჩ/კ.
• მდნარი ყველი

მომზადების წესი

1. ბულგარული წიწაკა დაჭერით გრძელ ზოლებად და გადაიტანეთ ცხელ ტაფაზე. მოაყარეთ 1 ჩ/კ ყავისფერი შაქარი, სოიოს სოუსი და მოშუშეთ მაღალ ცეცხლზე.
2. შეწვით სოსისები ტაფა გრილზე და დაიწყეთ სენდვიჩის აწყობა.
3. სენდვიჩის პური გაჭერით სანახევროდ, მოათავსეთ შიგნით მდნარი ყველი, მოშუშული წიწაკა, სოსისი, კვლავ მოშუშული წიწაკა და მზად არის.

სპაგეტი სოსისით

ინგრედიენტები:

• სპაგეტი 150 გ.
• სოსისი „ცეროდენა“ 4 ცალი
• კარაქი
• ნიორი 1 კბილი
• პომიდვრის სოუსი - 300-400გ
• ნაღები - 100გ
• შაშკვლავი, ოხრახუში, ორეგანო
• არაჟანი
• პარმეზანი

მომზადების წესი:

1. მოხარშეთ სპაგეტი. სოსისი „ცეროდენა“ გაჭერით შუაზე. შეწვით პატარა ქვაბში ან ღრმა ტაფაზე კარაქთან და დაჭრილ ნიორთან ერთად.
2. სოსისები ამოიღეთ ქვაბიდან და შემწვარ ნიორს დაასხით გახეხილი პომიდორი.
3. მოაყარეთ ორეგანო და არაჟანი. აურიეთ.
4. სოუსში ჩააბრუნეთ შემწვარი სოსისები და დაუმატეთ მოხარშული სპაგეტი.
5. დაუმატეთ დაჭრილი ცოცხალი მწვანილი, გახეხილი პარმეზანი და ფრთხილად ამოურიეთ. გადაიტანეთ თეფშზე და გემრიელად მიირთვით!

სოსისები ფენოვან ცომში

სოსისები ფენოვან ცომში იდეალურია სკოლის ლანჩისთვის.

ინგრედიენტები:

• მზა ფენოვანი ცომი
• სოსისი „ცეროდენა“
• კვერცხის გული 1 ც.
• სეზამის მარცვლები

მომზადების წესი:

1. მზა ფენოვანი ცომი დაჭერით ზოლებად. სოსისი „ცეროდენა“ გაფცქვენით და შემოახვიეთ ცომის ზოლები.
2. ფუნჯით წაუსვით კვერცხის გული და მოაყარეთ სეზამის მარცვლები.  გამოაცხვეთ ღუმელში 180 გრადუსზე, სანამ ცომი არ დაიბრაწება.

გემრიელად მიირთვით!