"იყო სპეკულაციები, რომ თითქოს ერთ-ერთი ბავშვი 3 საათის განმავლობაში ებრძოდა ღვარცოფს, რაც არის წარმოუდგენელი ტყუილი" – ირაკლი კობახიძე
17:04:39 14-08-2023
"ქართული ოცნების" თავმჯდომარემ ირაკლი კობახიძემ შოვში ღვარცოფში მოყოლილ ადამიანებზე მორიგი სკანდალური განცხადება გააკეთა, რამაც საზოგადოებაში დიდი აღშფოთება გამოიწვია:
"იყო ასევე სპეკულაციები, არასწორი ინფორმაცია ვრცელდებოდა, რომ თითქოს ერთ-ერთი ბავშვი 3 საათის განმავლობაში ებრძოდა ღვარცოფს, რაც არის წარმოუდგენელი ტყუილი. უბრალოდ, შეუძლებელია ასე განვითარებულიყო მოვლენები. სტიქია იყო მყისიერი და სამწუხაროდ, იმ ადამიანებს, ვისაც მისწვდა ღვარცოფული მასა, გადარჩენის შანსი უბრალოდ არ ჰქონდათ. საუბარი იმაზე, რომ ვიღაც ებრძოლა სტიქიას 3 საათის განმავლობაში, უბრალოდ არის ცარიელი ტყუილი", – განაცხადა კობახიძე.