"გიგა ოთხოზორიას მკვლელობის დღეს, რუსულმა ოცნებამ ის მეორედ მოკლა" – გიორგი კაპანაძე თბილისის აეროპორტში რუსული თვითმფრინავის დაშვებაზე

"ერთიანი ნაციონალური მოძრაობის" წევრი გიორგი კაპანაძე სოციალურ ქსელში ოკუპანტების მიერ მოკლული გიგა ოთხოზორიას მკვლელობის დღს თბილისის საერთაშორისო აეროპორტში რუსული თვითმფრინავის დაშვების საკითხს ეხმაურება. მისი თქმით, ამ ქმედებით :ქართულმა ოცნებამ" გიგა ოთხოზორია მეორედ მოკლა: 

"გიგა ოთხოზორიას მკვლელობიდან 7 წლის შემდეგ, რუსული ოცნება ტაშ-ფანდურით მიესალმა მათ, ვინც გიგა ოთხოზორია მოკლა, ვინც მისი მკვლელობა გაამართლა.

ზუსტად ქართველი გმირის მკვლელობის დღეს, რუსულმა ოცნებამ ის მეორედ მოკლა.

ზღვარი წაშლილია - რუსული ოცნება არის რუსული რეჟიმი.

დავიბრუნოთ საქართველო", - წერს გიორგი კაპანაძე.