"დედამიწა უარყოფით ენერგოველში შედის, მაგნიტური დღეებია... იყავით ფრთხილად" – მიხეილ ცაგარელის გაფრთხილება

მიმდინარე კვირის ასტროლოგიურ პროგნოზზე საუბრისას ასტროლოგმა მიხეილ ცაგარელმა ზოდიაქოს ნიშნებს სიფრთხილისკენ მოუწოდა, რადგან მისი თქმით, დედამიწა უარყოფით ენერგოველში იმყოფება:

„შემდეგ კვირას, ჩვენ კატა-კურდღელს ვხვდებით. ღამე, 00:56 საათზე აღმოსავლური კალენდრით, შემოდის კატა-კურდღელი. ვეფხვი დაგვემშვიდობება და ჩვენ უკვე ვიწყებთ ახალი წლის ენერგოველში შესვლას. იყავით ყურადღებით, დედამიწა უარყოფით ენერგოველში შედის, ამიტომ ყველა ნიშანს გარკვეული პატარა სირთულეები ექნება.

ამ ყველაფერს კიდევ ერთი რამ ემატება, ჩვენ გვაქვს ძალიან მნიშვნელოვანი მეცამეტე ახალმთვარეობა. ეს არის ახალმთვარეობა - 21 იანვარი, დღის პირველი ნახევარი, შაბათი და 22 იანვარი - 00:56 საათზე, ახალმთვარეობაზე შემოდის კატა-კურდღელი. კვირა ცოტა მეტ ყურადღებას ითხოვს, თან ეს მაგნიტური დღეებია.“ - ამბობს ცაგარელი „იმედის დილაში“.