13 გარდაცვლილი, მათ შორის 3 ბავშვი – რუსეთში სამხედრო თვითმფრონავი საცხოვრებელ სახლს დაეცა

გუშინ რუსეთის ქალაქ იეისკში სამხედრო თვითმფრინავი ჩამოვარდა, რომელიც მრავალსართულიან საცხოვრებელ კორპუსს დაეცა. შედეგად კორპუსი აფეთქდა და დაიწვა.

მომხდარის გამო გარდაცვლილთა რაოდენობა 13–მდე გაიზარდა. შემთხვევის შედეგად 19 ადამიანი დაშავდა.

ინფორმაციას აღნიშნულის შესახებ რუსული სამთავრობო მედია ავრცელებს. დაღუპულთა შორის სამი ბავშვია.

საგანგებო სიტუაციების მართვის სამსახურის განცხადებით, სამაშველო სამუშაოების დროს 68 მოქალაქე გადაარჩინეს და ჯამში, 360 ადამიანის ევაკუაცია განხორციელდა.