ბათუმში მოსწავლეებს შორის დაპირისპირება მოხდა – დაშავებული არასრულწლოვანი მძიმე დაზიანებებით საავადმყოფოშია მოთავსებული

ბათუმის ერთ–ერთ საჯარო სკოლაში მეთორმეტე კლასის მოსწავლეები ერთმანეთს ფიზიკურად გაუსწორდნენ.

დაპირისპირებაში მონაწილე ერთ–ერთმა არასრულწლოვანმა სერიოზული დაზიანებები მიიღო, არსებული ინფორმაციით, ის სამედიცინო დაწესებულებაშია მოთავსებული.

მომხდარზე სკოლის დირექტორმა კომენტარი გააკეთა და აღნიშნა, რომ დაპირისპირება თანაკლასელებს შორის მოხდა.

"სკოლის გარეთ ტერიტორიაზე მოხდა. ჩვენი სკოლის მოსწავლეები არიან. დაწვრილებით არ ვიცი რა მოხდა, პოლიციის განყოფილებაში წაიყვანეს ბავშვი დასაკითხად. მე არ ვიცი რა მოხდა"- ამბობს დირექტორი.

ჯერჯერობით უცნობია თუ რა გახდა დაპირისპირების მიზეზი. სამართალდამცავებმა სავარაუდო დამნაშავე შემთხვევის ადგილზე დააკავეს და გამოკითხვაზე გადაიყვანეს.

მომხდარზე გამოძიება ძალადონის მუხლით დაიწყო.