"დუგინა მოკლა უკრაინელმა ქალმა, რომელიც მის მეზობლად ცხოვრობდა" – ეფ–ეს–ბე
16:15:41 22-08-2022
ეფ–ეს–ბე დარია დუგინას მკვლელობაში უკრაინის უსაფრთხოების სამსახურს ადანაშაულებს. უწყების ცნობით, მათ დანაშაული გახსნეს.
"დადგინდა, რომ დანაშაული მოამზადეს და განახორციელეს უკრაინულმა სპეცსამსახურებმა. შემსრულებელი არის 1979 წელს დაბადებული უკრაინის მოქალაქე ნატალია ვოვკი," - ნათქვამია "ეფ-ეს-ბეს" განცხადებაში.
უწყებაში, ასევე, ამბობენ, რომ ვოვკი რუსეთში, 12 წლის ქალიშვილთან ერთად 23 ივლისს ჩამოვიდა და ქირით დუგინას მეზობლად ცხოვრობდა.