ზელენსკიმ უკრაინის პრემიერ-მინისტრს ერთნაირსქესიანთა ქორწინების დაკანონების საკითხის განხილვა დაავალა

უკრაინის პრეზიდენტი, ვოლოდიმირ ზელენსკი ელექტრონულ პეტიციას გამოეხმაურა, რომელსაც ერთნაირსქესიანთა ქორწინების ლეგალიზაცია ჰქვია. ზელენსკის თქმით, მან  უკრაინის პრემიერ მინისტრს, დენის შმიგალს პეტიციის წამოყენებული საკითხის განხილვის თხოვნით მიმართა.

ზელენსკის განცხადებაში ხაზგასმულია, რომ პეტიციას, რომელიც 2022 წლის 6 ივნისს წარადგინეს, 25 000-ზე მეტი ხელმომწერი ჰყავს.