გორის სამხედრო ჰოსპიტალში მიხეილ სააკაშვილს ნიკა გვარამია ხვდება

მესამე პრეზიდენტის ადვოკატი, ნიკა გვარამია გორის სამხედრო ჰოსპიტალში შეუშვეს. ის ამ წუთებში მიხეილ სააკაშვილს ხვდება. 

ადგილზე იმყოფება მიხეილ სააკაშვილის პირადი ექიმი, ნიკოლოზ ყიფშიძეც, რომელიც აპირებს, რომ დღეს მესამე პრეზიდენტი მოინახულოს.

ხელისუფლების გუშინდელი მცდელობის შემდეგ, რომ მესამე პრეზიდენტი ძალდატანებით დაებრუნებინათ ციხეში, ადვოკატი მიხეილ სააკაშვილს პირველად მოინახულებს. 

მას შემდეგ, რაც ნიკა გვარამია ჰოსპიტალს დატოვეს, ცნობილი გახდება როგორია მიხეილ სააკაშვილის ჯანმრთელობის ამჟამინდელი მდგომარეობა და გუშინ ჰოსპიტალში მომხდარი ინციდენტის დეტალები. 

ცნობისთვის, 27 დეკემბერს მიხეილ სააკაშვილი სახალხო დამცველის წარმომადგენელმა მოინახულა. მისი თქმით, მესამე პრეზიდენტთან საღამოს საათებში შევიდნენ და აცნობეს, რომ ის კლინიკიდან უნდა გადაეყვანათ, რაზეც მესამე პრეზიდენტმა უარი განაცხადა.