ბათუმი - კორპუსის პირველ სართულზე კედელი ჩამოიშალა
22:16:04 15-11-2021
ბათუმში, რურუას ქუჩაზე, 5-სართულიანი სახლის პირველ სართულზე კედელი ჩამოიშალა. 72 ოჯახი გარეთაა გამოსული. ისინი ამბობენ, რომ სახლებში დარჩენის ეშინიათ, რადგან სახლი ავარიულია. ბათუმის მერია მათ დღესვე უსაფრთხო, ალტერნატიულ ფართებში გადაიყვანს.
ადგილობრივებმა არაერთხელ მიმართეს მერიას დახმარებისთვის, კორპუსი გაამაგრეს, თუმცა სახლი მაინც ავარიულია. ამ დრომდე მუნიციპალიტეტის წარმომადგენლები ადგილზე არ მისულან. კორპუსში მცხოვრებლები დახმარებას ითხოვენ.