რუსთავში ოპოზიციის აქტივისტის ცემის საქმეზე 2 პირი დააკავეს

შინაგან საქმეთა სამინისტროს ინფორმაციით, სამართალდამცველებმა ოპოზიციის აქტივისტის, გიორგი ბალხამიშვილის ცემის საქმეზე 2 პირი დააკავეს. მათ ბრალად ძალადობა ედებათ. დაკავებულებს შორის არიან 2000 წელს დაბადებული, წარსულში ნასამართლევი ე.ა. და 2001 წელს დაბადებული რ.ჭ.

"გამოძიებით დადგინდა, რომ ბრალდებულებმა მიმდინარე წლის 3 ნოემბერს, N12 პენიტენციურ დაწესებულებასთან გამართული აქციის ერთ-ერთ მონაწილეს - 1999 წელს დაბადებულ გ.ბ.-ს, აქციიდან სახლში დაბრუნებისას, რუსთავში, სიტყვიერი და ფიზიკური შეურაცხყოფა მიაყენეს", - წერია უწყების განცხადებაში.