დღეიდან სავაჭრო ცენტრები გაიხსნა - რა რეკომენდაციების დაცვა მოუწევთ მოლებსა და მომხმარებლებს

  დღეს ქვეყანაში ყველა სავაჭრო ცენტრი და მაღაზია გაიხსნა - მოლები დილის 10-დან საღამოს 7-მდე იფუნქციონირებს. სავაჭრო ობიექტებს თავად მოუწევთ გააკონტროლონ მომხმარებელთა ნაკადი და დაიცვან კოვიდუსაფრთოხებისთვის აუცილებელი რეგულაციები.

მოლების წარმომადგენლები ამბობენ, რომ თანახმა არიან იმუშაონ მთავრობის მიერ დაწესებული კოვიდშეზღუდვების გათვალისწინებით, თუმცა იმედოვნებენ, რომ უახლოეს მომავალში ისინი გადაიხედება და ეპიდსიტუაციისგან გამომდინარე შეიცვლება. 

  "ამ პერიოდის განმავლობაში ჩვენ ვფუნქციონირებთ დილის 10-დან საღამოს 7 საათამდე და იმედს ვიტოვებთ, რომ ახლო მომავალში მთავრობა მიუბრუნდება თავის გადაწყვეტილებებს ეპიდვითარებიდან გამომდინარე, ჩვენ აღგვიდგება სრულფასოვანი სამუშაო გრაფიკი და რაც მთავარია - ტრანსპორტი", - ამბობს თეიკო ლომინაძე, ისთ ფოინთის მარკეტინგის დირექტორი.