სომხეთში კორონავირუსის 448 ახალი შემთხვევა გამოვლინდა და 12 პაციენტი გარდაიცვალა
12:35:10 14-01-2021
სომხეთში გასული დღე-ღამის განმავლობაში კორონავირუსის 448 ახალი შემთხვევა გამოვლინდა. ინფორმაციას სომხეთის დაავადებათა კონტროლისა და პრევენციის ეროვნული ცენტრი ავრცელებს. მათივე განცხადებით, ქვეყანაში ბოლო 24 საათში კოვიდ-19-ისგან 12 ადამიანი გარდაიცვალა.
საერთო ჯამში, სომხეთში კორონავირუსის 163 576 შემთხვევაა დადასტურებული, დღემდე ვირუსს 2 963 ადამიანი ემსხვერპლა, გამოჯანმრთელებული პაციენტების საერთო რაოდენობა კი 151 000-ს აჭარბებს.