„მიუზი“ - ინგლისური როკ ჯგუფი დივონიდან
10:47:30 13-08-2011
„მიუზი“ ინგლისური როკ ჯგუფია დივონიდან, რომელიც 1994 წელს ჩამოყალიბდა. მისი წევრები არიან: მეთიუ ბელამი (ვოკალი, გიტარა, კლავიში), კრის უოლსტენჰომი (ბას-გიტარა, კლავიში, ვოკალი), და დომინიკ ჰოვარდი (დრამი, დასარტყამი ინსტრუმენტები (პერკუსია).
მიუზი 1994 წელს დიდ ბრიტანეთში, დევონის საგრაფოში, ქალაქ ტინმუტში ჩამოყალიბდა. მეთიუ, დომინიკი და კრისი ტინმუტის სკოლის სხვადასხვა ჯგუფებში უკრავდნენ. შემდეგ მეგობრები ერთად შეიკრიბნენ და ახალ ჯგუფს გაუკეთეს ორგანიზება, რომელსაც თავდაპირველად სხვადასხვა სახელი ერქვა, საბოლოოდ კი, სახელწოდება მიუზი შეურჩიეს. ფორმირებიდან რამდენიმე წელში, მათ კონცერტები ლონდონში და მანჩესტერში გამართეს, სადაც ხმისჩამწერი სტუდიის მფლობელი დენის სმიტი გაიცნეს და მასთან კონტრაქტი გააფორმეს.
ჯგუფის პირველი EP ლეიბლის Dangerous ხელშეწყობით ჩაიწერა. მეორე კი, 1999 წლის იანვარში გამოვიდა და ბრიტანული გავლენიანი მუსიკალური ჟურნალისტის, სტივ ლამაკის ყურადღება მიიქცია. ნაციონალურ რადიოში პირველმა სწორედ მან გაუშვა ჯგუფის მუსიკა რადიოეთერში
მოგვიანებით, დენის სმიტმა ხმისჩამწერი სტუდია დააარსა, რომელშიც ჯგუფმა სამი ალბომი ჩაწერა. 2003 წელს ახალი ალბომი Absolution გამოვიდა, რომელიც წინა, აგრესიული ალბომებისგან გასნსხვავებით, ნაზი და ლირიული კომპოზიციებით გამოირჩეოდა. შემდეგ წლებში გამოშვებულმა ალბომებმაც, ჯგუფს დიდი პოპულარობა მოუტანა.