მახინჯაურში ავტომობილს ცეცხლი გაუჩნდა

მახინჯაურში ცოტა ხნის წინ ავტოსაგზაო შემთხვევა მოხდა. აჭარის საზოგადოებრივი მაუწყებლის ინფორმაციით, ერთმანეთს ორი მსუბუქი ავტომობილი შეეჯახა. ერთ-ერთ მანქანას კი მოგვიანებით ცეცხლი გაუჩნდა. 

თვითმხილველების თქმით, მგზავრებმა ავტომობილიდან გადმოსვლა მოახერხეს.

ადგილზე იმყოფებოდნენ სამართალდამცველები და სამაშველო სამსახურის თანამშრომლები. 

საგანგებო სიტუაციების მართვის სამსახურის ინფორმაციით, ცეცხლი ლიკვიდირებულია.