საქართველოში კორონავირუსით მე-18 პაციენტი დაიღუპა
17:58:13 24-08-2020
საქართველოში კორონავირუსით მე-18 პაციენტი დაიღუპა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა.
გარდაცვლილი ხნიერი ქალბატონია, რომელიც მცხეთის ცხელების ცენტრში იყო მოთავსებული.
ქვეყანაში კორონავირუსის სულ 1421 დადასტურებული შემთხვევაა. 1137 ადამიანი კი გამოჯანმრთელებულია.
კარანტინის რეჟიმშია 7005 ადამიანი, ხოლო სტაციონარში მეთვალყურეობის ქვეშ - 255.
უცხოეთიდან სამკურნალოდ გადმოყვანილია საქართველოს 41 მოქალაქე.