თურქეთში მომხდარი წყალდიდობის შედეგად ექვსი ადამიანი გარდაიცვალა

თურქეთში მომხდარი წყალდიდობის შედეგად ექვსი ადამიანი გარდაიცვალა, არიან დაშავებულებიც.

გირესუნის პროვინციაში სამძებრო-სამაშველო სამუშაოები გრძელდება. მთავრობის ინფორმაციით, ამ დრომდე მაშველებმა სტიქიისგან 157 ადამიანი გადაარჩინეს.

წყალდიდობამ პროვინციის 118 სოფელი დააზარალა. ხელისუფლებამ ზარალის აღმოსაფხვრელად 9 მილიონი თურქული ლირა გამოყო.