"საშინელი სურათი დამხვდა... მგზავრებიდან 17 ქალია და 3 მამაკაცი" - შატილის გზაზე მომხდარი ტრაგედიის დეტალები

სამაშველო სამუშაოებში მონაწილე პირი მედიასთან შატილის გზაზე მომხდარი ტრაგედიის დეტალებზე საუბრობს.

"შემთხვევის ადგილზე, ხევში რომ ჩავედი, საშინელი სურათი დამხვდა. მიკროავტობუსი დაახლოებით 100 მეტრის სიმაღლიდან გადავარდა, მგზავრებიდან 17 ქალია, 3 - მამაკაცი. ოციდან ერთი კანადის მოქალაქე ყოფილა, რომელიც ზუსტად არ ვიცით, საიდან მოვიდა, მათ დაემგზავრათ, თუ რა მოხდა“, - აცხადებს თვითმხილველი.

მისივე თქმით, მერსედესის "სპრინტერის" მიკროავტობუსი სისწრაფით მიდიოდა, შემდეგ მუშების გაჩერებულ და ცარიელ მანქანას დაეჯახა და ისიც გადააგდო ხევში.

"ამ 20-დან 4 ცოცხალი ამოვიყვანეთ და ერთი მალევე გარდაიცვალა", - აცხადებს თვითმხილველი.