ჩრდილოეთ და სამხრეთ კორეა ომის ზღვარზე?

სამხრეთ და ჩრდილოეთ კორეას შორის კვლავ სროლებია. როგორც საინფორმაციო საშუალებები სეულიდან იტყობინებიან, ჩრდილოეთ კორეამ სამხრეთის მიმართულებით სამი რაკეტა გაუშვა, კუნძულ ენპხიონდოს მიმართულებით. რაკეტები ყვითელი ზღვის სანაპიროსთან აფეთქდა. თავდამსხმელი ქვეყნის საინფორმაციო სააგენტოები, ჯერჯერობით, არანაირ ცნობას არ ავრცელებენ. ოფიციალური კომენტარებიც არ გაკეთებულა.

თავდასხმიდან რამდენიმე საათში კი, სამხრეთ კორეამ ჩრდილოეთს საპასუხო დარტყმა მიაყენა. ჩრდილოეთის მიმართულებით სამხრეთიდან ასევე სამჯერ ისროლეს. ექსპერტების თქმით, მოვლენები გასული წლის ნოემბრის სცენარის მიხედვით ვითარდება. როგორც ცნობილია, მაშინ ორი სამხედრო მოსამსახურე და ამდენივე მშვიდობიანი მცხოვრები დაიღუპა. მხარეები კი პროვოკაციაში ერთმანეთს ადანაშაულებდნენ.