ნატოს ავიაიერიშს ამბოხებულების იარაღი შეეწირა
12:54:37 08-08-2011
ლიბიაში, ნატოს ავიადარტყმების შედეგად, აქლემების ქარავანი განადგურდა, რომელსაც იარაღი ლიბიელი ამბოხებულებისათვის მიჰქონდა. ამის შესახებ „ასოშეითედ პრესი“, მეამბოხეთა შეიარაღებული ფორმირებების ხელმძღვანელების მიერ გავრცელებულ ინფორმაციაზე დაყრდნობით იუწყება.
როგორც ირკვევა, ქარავანი ასეულობით აქლემისგან შედგებოდა და მძიმე ტყვიამფრქვევები, ნაღმტყორცნები და სხვა საბრძოლო მასალები, მეზობელი ჩადიდან გადაჰქონდა. დატყმა ჩადის საზღვრიდან 100 კილომეტრში განხორციელდა.
ამასობაში, მუამარ კადაფის მხარდაჭერა ვენესუელის პრეზიდენტმა უგო ჩავესმა გამოუცხადა. ლათინოამერკული ქვეყნის ლიდერმა პოლკოვნიკს წერილი გამოუგზავნა და გამარჯვება უსურვა. ჩავესმა თავისი გზავნილი ვენესუელის სახელმწიფო არხით გამოსვლისას წაიკითხა.