წამებისა და გაუპატიურების ბრალდებით უკრაინაში სამართალდამცველები დააკავეს

უკრაინაში წამებისა და გაუპატიურების ბრალდებით სამართალდამცველები დააკავეს. ინციდენტი კიევის სიახლოვეს მდებარე პატარა დასახლება კაგარლიკის რაიონულ განყოფილებაში მოხდა.

მომხდარის გამო უკრაინის ეროვნული პოლიციის უფროსმა კაგარლიკის რაიონული განყოფილებიდან ყველა თანამშრომელი დაითხოვა.

უკრაინის შინაგან საქმეთა მინისტრის მოადგილე ანატოლი გერაშჩენკოს განცხადებით, შემთხვევა ქვეყნის შინაგან საქმეთა მინისტრის, არსენი ავაკოვის გადადგომის საფუძველს არ წარმოადგენს.