ინციდენტი მცხეთის ქუჩაზე - შეიარაღებულმა მამაკაცმა სუპერმარკეტ "სპარზე" თავდასხმა სცადა

მცხეთის ქუჩაზე შეირაღებულმა მამაკაცმა სუპერმარკეტ “სპარში” შეჭრა სცადა.

სამართალდამცველებმა მაღაზიის მიმდებარე ტერიტორიიდან ცეცხლსასროლი იარაღი ამოიღეს.

შინაგან საქმეთა სამინისტროს ინფორმაციით, ერთი პირი დაკავებულია სისხლის სამართლის კოდექსის 236-ე მუხლის მესამე და მეოთხე ნაწილით და 151-ე მუხლის პირველი ნაწილით დაწყებული გამოძიების ფარგლებში.

როგორც უწყებაში განმარტავენ, 236-ე მუხლი ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს, 151-ე მუხლი კი, მუქარას ითვალისწინებს.

ექსპერტ-კრიმინალისტები მცხეთის ქუჩაზე გვიანობამდე მუშაობდნენ.