სერიალ "სასოწარკვეთილი დიასახლისებისა" და "კლინიკის" ვარსკვლავი გარდაიცვალა

პოპულარული ტელესერიალების "სასოწარკვეთილი დიასახლისებისა"  "კლინიკის" ვარსკვლავი, ამერიკელი მსახიობი სემ ლოიდი 56 წლის ასაკში გარდაიცვალა - ამის შესახებ გამოცემა Variety იუწყება.

სემს გასულ წელს თავის ტვინის სიმსივნის დიაგნოზი დაუსვეს, რომელიც ოპერაციას არ ექვემდებარებოდა და რომლის მეტასტაზებიც სწრაფად ვრცელდებოდა ორგანიზმში. აღსანიშნავია, რომ დიაგნოზი ცოლის მშობიარობიდან მალევე დაუსვეს, ამიტომ, მას არ დასცალდა შვილთან მეტი დრო გაეტარებინა.

ლოიდი თავისი ოცდაათწლიანი კარიერის განმავლობაში მონაწილეობას იღებდა ისეთ სერიალებში, როგორებიცაა "კლინიკა"; "სასოწარკვეთილი დიასახლისები"; "ზენფელდი"; "დასავლეთის ფრთა"; "ყურადღების ცენტრში მყოფი მალკოლმი" და ბევრი სხვა.