მსოფლიოში კორონავირუსით ინფიცირების შემთხვევების რაოდენობამ 3.4 მილიონს გადააჭარბა
08:50:13 02-05-2020
მსოფლიოში კორონავირუსით ინფიცირების შემთხვევების რაოდენობამ 3.4 მილიონს გადააჭარბა. მონაცემებს ჯონს ჰოპკინსის უნივერსიტეტი აქვეყნებს.
ბოლო ინფორმაციის თანახმად, მსოფლიოში ინფიცირებულთა რაოდენობა 3,401,231-ს შეადგენს. გარდაიცვალა 239,604 ადამიანი, გამოჯანმრთელდა 1,081,689 პაციენტი.
ინფიცირებულების რაოდენობით, პირველ სამეულში კვლავ აშშ, ესპანეთი და იტალია არიან.
საქართველოში კოვიდინფიცირების 566 შემთხვევაა დადასტურებული, გარდაიცვალა 7 ადამიანი, გამოჯანმრთელდა 207 პაციენტი.