Fox News: უხანის ბაზრობაზე ღამურებს არასოდეს ყიდიდნენ... "ნულოვანი პაციენტი" უხანის ბიოლოგიურ ლაბორატორიაში მუშაობდა

ტელეკომპანია Fox News კორონავირუსის წარმოშობის შესახებ ექსკლუზიურ მასალას ავრცელებს.

ტელეკომპანია იუწყება, რომ COVID-19 უხანის ლაბორატორიაში შეიქმნა არა როგორც ბიოლოგიური იარაღი, არამედ როგორც ჩინეთის მცდელობა ეჩვენებინა, რომ მისი შესაძლებლობები ვირუსების აღმოჩენისა და ვირუსებთან ბრძოლის კუთხით აშშ-ის შესაძლებლობებს აღემატება

წყაროების ინფორმაციით, ვირუსის თავდაპირველი გადაცემა ღამურიდან ადამიანზე მოხდა, ხოლო "ნულოვანი პაციენტი" ლაბორატორიაში მუშაობდა და შემდეგ უხანში მოსახლეობაში გავიდა.

უხანის ბაზრობაზე, რომელიც თავდაპირველად გამოვლენილი იყო, როგორც ვირუსის წარმოშობის ადგილი, ღამურებს არასოდეს ყიდდნენ. საკუთარმა კონფიდენციალურმა წყაროებმა Fox News-ს უთხრეს, რომ ჩინეთის მთავრობამ სპეციალურად გადაიტანა ყურადღება ბაზრობაზე, როგორც ვირუსის წარმოშობის ადგილზე.

წყაროები აღნიშნავენ, რომ ჩინეთმა 100 პროცენტით შეცვალა მონაცემები, ნიმუშები გაანადგურა, დაბინძურებული ტერიტორიები გაწმინდა, ხოლო რიგი ადრეული ანგარიშები კი წაშალა.

გარდა ამისა, წყაროებმა Fox News-ს აცნობეს, რომ ჯანდაცვის მსოფლიო ორგანიზაცია თავიდანვე თანამონაწილე იყო და ჩინეთს კვალის დაფარვაში ეხმარებოდა.