ჩერნობილში ხანძარი მაღალი აქტივობის რადიოაქტიური ნარჩენების საცავს უახლოვდება
11:10:42 14-04-2020
ჩერნობილში ხანძარი მაღალი აქტივობის რადიოაქტიური ნარჩენების საცავს უახლოვდება. ამის შესახებ უკრაინული მედია ჩერნობილის ტუროპერატორების ასოციაციის დირექტორზე იაროსლავ ემელიანენკოზე დაყრდნობით იუწყება.
მისი თქმით, ხანძარმა ატომურ ელექტროსადგურამდე მიაღწია.
ჩერნობილში ხანძარი 4 აპრილს, მას შემდეგ გაჩნდა, რაც ერთ-ერთმა მოქალაქემ ცეცხლი ბალახს წაუკიდა. ფაქტზე 27 წლის პირია დაკავებული.