ამერიკის შეერთებულ შტატებში, ბოლო 24 საათში, კორონავირუსით 1121 ადამიანი გარდაიცვალა

აშშ-ში უკანასკნელი 24 საათის განმავლობაში, კორონავირუსით 1121 ადამიანი დაიღუპა. ქვეყანაში ინფიცირებულთა საერთო რაოდენობამ 336,851-ს მიაღწია.

ამერიკის შეერთებული შტატები ამ დრომდე პირველი სახელმწიფოა კორონავირუსზე ჩატარებული ტესტების რაოდენობით, სადაც უკვე 1 772 369 ადამიანზე ჩატარდა გამოკვლევა. მიუხედავად ინფიცირების მასშტაბური ზრდისა, ძალზე მცირე ტემპით მიმდინარეობს პაციენტების განკურნების პროცენტი და ამ დრომდე მხოლოდ 17,977 ადამიანია გამოჯანმრთელებული.

დონალდ ტრამპის და ხელისუფლების სხვა მაღალჩინოსნების განცხადებით, უახლოესი ორი კვირის განმავლობაში მოსალოდნელია კორონავირუსისგან გარდაცვლილთა მასშტაბური ზრდა.